Plantun de Prouvènço

Pèr coumpara dos planto d'encò nostre

Juncus acutus & Crepis aurea

Jounc-pounchu

Juncus acutus

Juncaceae

Autre noum : Jounc-de-tèsto.

Noms en français : Jonc aigu, Jonc à tépales pointus.

Descripcioun :
Lou jounc-pounchu es un gros jounc que trachis en mato dins li relarg proche de mar. Pòu pamens un pau rintra dins li terro. Si tijo e fueio soun redouno de 2 à 4 mm de diamètre e proun duro. Li flour de l'inflourejado fan uno tèsto mens ramificado e pu sarrado que soun cousin, pu rare, lou jounc-de-coustiero. Coumpara emé lou jounc-pounchu que ié sèmblo proun e peréu emé lou jounc-marin.

Usanço :
Lou rizoumo dóu jounc-pounchu es acampa e manja crus en Sardègno e cue, bouli, en Sicilo.

Port : Grando erbo
Taio : 30 à 150 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Verdo
Petalo : 6
Ø (o loungour) flour : 4 mm
Flourido : Printèms - Estiéu

Sòu : Ca
Autour basso e auto : 0 à 50 m
Aparado : Noun

Liò : Palun - Mar - Ribiero
Estànci : Termoumediterran à Mesoumediterran
Couroulougi : Mediterranenco-Atlantico
Ref. sc. : Juncus acutus L., 1753

Lachassoun(-daura)

Crepis aurea

Asteraceae Compositae

Noms en français : Crépide dorée, Crépide orangée.

Descripcioun :
Lou lachassoun-daura fai de poulìdi flour coumpausado dins li pelouso e melounié dis Aup de l'uba. L'atroubarés pas dins lis Aup dóu miejour. Li fueio an quàsi ges de péu, au contro di bratèio que n'en porton de proun negre (fotò). I'a pas pèr s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 40 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Crepis
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Aranjado
Petalo : >6
Ø (o loungour) enflourejado : 2 à 3 cm
Flourido : Printèms - Estiéu

Sòu : Ca
Autour basso e auto : 1000 à 2600 m
Aparado : Noun
Jun à avoust

Liò : Pelouso - Melounié
Estànci : Mountagnard à Aupen
Couroulougi : Ouroufito-Sud-Éuroupenco
Ref. sc. : Crepis aurea (L.) Cass., 1882

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Juncus acutus & Crepis aurea

CCC

ges

Coumpara Jounc-pounchu emé uno autro planto

Coumpara Lachassoun(-daura) emé uno autro planto